ازاي تحسن من مهارات الرياضيات عند ابنك؟

كتير من الطلاب بيعانوا مع الرياضيات في وقت ما من دراستهم. وده عشان الرياضيات دائما بتكون مبنية على الدروس اللي فاتت، فلو الطالب مقدرش يستوعب واحد من المفاهيم او نسي حاجة قديمة فهيكون صعب بالنسباله انه يقدر يذاكر.

ودي نصائح ممكن تساعد:

1- طبق الرياضات على مواقف الحياة الواقعية

خصوصا لم بيكون الطالب في سن صغير، حاول تزود على حياة الطالب مصطلحات رياضية في قاموسه اليومي. ده ممكن يساعدهم كتير مع الوقت.

2- اخلق علاقة إيجابية بين الطالب والأرقام من خلال الألعاب

بالنسبة لكتير من الطلبة، الأرقام ممكن تكون مخيفة. ده عشان هي حاجة ممكن ميكونوش متعودين عليها في حياتهم اليومية. وعشان كده استخدام ألعاب زي Monopoly ممكن يساعد الطلاب انهم يتعاملوا مع الأرقام من غير أي ضغوط.

3- اتأكد أن الطالب استوعب المفاهيم الرياضية، مش مجرد درسها

أسهل حاجة ممكن الطالب يعملها انه يحفظ معادلة عشان الامتحان وينساها بعد كده بمجرد ما ياخد الدرجة. لكن لأن الرياضيات دروسها بتكون مبنية على بعضها، مهم أن الطالب يستوعب المفاهيم الرياضية المختلفة عشان ده هيخليه يفتكرها لفترة أطول ومن الصعب نسيانها بعد كده

4- خليهم يتعلموا بالطريقة الأمثل ليهم

كل طفل بيتعلم بطريقة مختلفة. أولياء أمور كتير بيحجزوا مدرسين عشان يقدروا يراجعوا مع الطفل الواجب باكتر طريقة مناسبة ليه.

بعض الطلبة بتحب تتعلم من خلال أدوات بصرية، وطلبة تانيين من خلال طرق سمعية، بينما في نوع تالت من الطلاب وده بيحتاج أمثلة من أرض الواقع بتتضمن هواياتهم واهتماماتهم.

الحاجات البسيطة دي بتعمل تغيير وفرق كبير جدا، خصوصا مع السن الأصغر، وعشان كده أولياء الأمور بيطلبوا مدرسين محترفين عشان يعلموا ولادهم بطريقة مميزة ومختلفة. وده اللي بيخلي الدروس الفردية هي أفضل طريقة للمذاكرة.